Get Adobe Flash player

नेवाः मंकाः म्ये ।। हिचःति हाय्काः देय् नीस्वंपिं ।। नेपाःया नेवाः झी ।। युगलिसे थःनं हिलाः न्ह्यज्याः वने ।। नेपाः देस–थुवाः झी ।। भाषा, लिपि, तजिलजि–स्वां ह्वय्काः ।। राष्ट्र म्हसीकाः च्वंपिं ।। नेवाः–लहना तिसां तियाः देय् ।। मुसुहुं न्ह्यीकाः च्वंपिं ।। झःझः धाय्क लुयाच्वने हलिमय् ।। राष्ट्रिय ध्वाँय् ब्वय्काः झी ।। नेपाःया नेवाः झी ।। नेपाः देस–थुवाः झी ।।

Developed in conjunction with Ext-Joom.com

प्रदेश नं. १ स्तरीय गुभाजु तालिम न्ह्यात

 

सुनसरीया इटहरीइ प्रदेश नं. १ स्तरीय गुभाजु (पुरोहित) प्रशिक्षण तालिम ज्याझ्वः न्ह्याःगु दु । नेवाः देय् दबू प्रदेश नं. १ या ग्वसालय् जूगु उगु ज्याझ्वलय् प्रदेश १२ गू जिल्लाया थीथी खलःपुचः समितिपाखें ६० म्ह प्रशिक्षार्थीपिन्सं ब्वति काःगु खः ।

प्रदेश नं. १ या का.बा.संयोजक भाजु इन्द्रबहादुर श्रेष्ठया नायःसुइ इटहरीइ जूगु उलेज्याझ्वलय् प्रदेश प्रमुख प्रा.डा. गोविन्द तुम्बाहाङजुं मूपाहाँ कथं ब्वति कयादिइगु खः । अथेहे पाहाँकथं देय् दबूया न्वकू कृष्ण उदास, सल्लाहकार शरला कायस्थ, के.सदस्य अनिल मास्के, जयकुमार श्रेष्ठ नापनापं प्रदेश सभासदपिं चन्द्र प्रसाद श्रेष्ठ, सबिता जोशी, उर्मिला बराइली, सर्वध्वज साबा, निलम बस्नेत, कुसुम श्रेष्ठं, अथेहे इटहरी उपमहानगरपालिकाया मयेर द्वारिका लाल चौधरी, बरिष्ठ प्रहरी उपरिक्षक शिवकुमार श्रेष्ठं व विभिन्न जिल्ला समितिया नायःपिन्सं पाहाँकथं ब्वति कयादिइगु । थ्व हे माघ १५ निसें फाल्गुण ५ तक न्ह्याइगु उगु प्रशिक्षण येंपाखें झाःम्ह द्योगुरु जगानन्द शर्मा राजोपाध्याय्जुं न्ह्याकादिइगु खः ।

अथेहे उलेज्याझ्वलय् ताःइनिसें नेवाः भाषा, कला, संस्कृतिया उत्थान, मानवीय सेवा व समाजसेवा यानाच्वनादिइपिं भाजु युद्धप्रसाद बैद्य व मय्जु शरला कायस्थयात दबूपाखें दोसल्ला न्येकाः सम्मान नं याःगु खः । ज्याझ्वलय् ब्वति कयादिइपिं पाहाँपिन्सं थःगु आदिभुमि नेपालमण्डलपाखें थीथी कारणं विभिन्न जिल्लाय् बसोवास यानावयाच्वंपिं नेवाःतय्सं थःगु कर्मकाण्ड यायेगु झ्वलय् मौलिक संस्कार त्वताः मेगु समुदायया पुरोहितपाखें याकेत बाध्य जुया च्वंगु दुःख प्वंकुसें थुगु तालिम लिपा अथे याये म्वालीगु बिचाः तसें थ्व खँय् लसता प्वंकादिइगु खः ।