Get Adobe Flash player

नेवाः मंकाः म्ये ।। हिचःति हाय्काः देय् नीस्वंपिं ।। नेपाःया नेवाः झी ।। युगलिसे थःनं हिलाः न्ह्यज्याः वने ।। नेपाः देस–थुवाः झी ।। भाषा, लिपि, तजिलजि–स्वां ह्वय्काः ।। राष्ट्र म्हसीकाः च्वंपिं ।। नेवाः–लहना तिसां तियाः देय् ।। मुसुहुं न्ह्यीकाः च्वंपिं ।। झःझः धाय्क लुयाच्वने हलिमय् ।। राष्ट्रिय ध्वाँय् ब्वय्काः झी ।। नेपाःया नेवाः झी ।। नेपाः देस–थुवाः झी ।।

Developed in conjunction with Ext-Joom.com

नेवाः ल्याय्म्ह दबू प्रदेश नं. १ समिति नीस्वन

नेवाः देय् दबू प्रदेश नं १ या संयोजनय् वंगु चैत्र २४ गते धरानय् प्रदेश नं १ स्तरीय युवा भेला जूगु दु । भाजु इन्द्रबहादुर श्रेष्ठया नायःसुइ जूगु उगु ज्याझ्वलय् नेवाः देय् दबूया केन्द्रीय दुजः अनिल मास्कें पाहाँकथं ब्वतिकासें नेवाः देय् दबूया युवा संगठन नेवाः ल्याय्म्ह दबूपाखें कुशल नेतृत्व ल्ययाः दक्वः नेवाः युवातय्त छप्पं यायेत ताःलायेमा धैगु खँय् बःबियादिल । अथेहे पाहाँकथं ब्वति कायादिइम्ह नेवाः ल्याय्म्ह दबूया केन्द्रीय नायः सुदन मुनिकारं देय् न्यंक नेवाः ल्याय्म्ह दबूयात बिस्तार याना नेवाः युवा लगायत सकल नेवाःतय् उत्थानया नितिं ज्या याना वनेगु खँ कनादिल । उगु भेलां मय्जु मोनालिसा श्रेष्ठया नायःसुइ १० म्हसिया नेवाः ल्याय्म्ह दबू प्रदेश नं. १ स्तरीय समिति नीस्वंगु दु ।