Get Adobe Flash player

नेवाः मंकाः म्ये ।। हिचःति हाय्काः देय् नीस्वंपिं ।। नेपाःया नेवाः झी ।। युगलिसे थःनं हिलाः न्ह्यज्याः वने ।। नेपाः देस–थुवाः झी ।। भाषा, लिपि, तजिलजि–स्वां ह्वय्काः ।। राष्ट्र म्हसीकाः च्वंपिं ।। नेवाः–लहना तिसां तियाः देय् ।। मुसुहुं न्ह्यीकाः च्वंपिं ।। झःझः धाय्क लुयाच्वने हलिमय् ।। राष्ट्रिय ध्वाँय् ब्वय्काः झी ।। नेपाःया नेवाः झी ।। नेपाः देस–थुवाः झी ।।

Developed in conjunction with Ext-Joom.com

नेवाः देय् दबू प्रदेश नं. २ समिति सपथ ग्रहण

नेवाः देय् दबू जिल्ला समिति सर्लाहीया संयोजनय् वंगु चैत्र २० गते सर्लाहीया हरिवनय् नेवाः देय् दबू प्रदेश नं २ या पदाधिकारीपिन्त सपथग्रहण याकेगु ज्या जूगु दु । नेवाः देय् दबू जिल्ला समिति सर्लाहीया नायःभाजु रामभक्त प्रधानजुया नायःसुइ जूगु उगु ज्याझ्वलय् केन्द्रीय नायः नरेशकुमार ताम्रकार मूपाहाँ कथं ब्वति कयादिइगु खः । अथेहे केन्द्रीय न्वकू चन्द्रलाल राजभण्डारी, मूछ्याञ्जे माइलाबाबु द्योला, दांभरि शान्त श्रेष्ठ, के.दुजः अनिलमास्के, के.दुजः धनश्याम श्रेष्ठ, के दुजः जयकुमार श्रेष्ठ लगायत प्रदेश नं. २ या च्यागु जिल्ला समितिया नायःपिं पाहाँकथं ब्वति कयादिइगु खः । ज्याझ्वलय् भाजु दक्षनारायण श्रेष्ठया संयोजकत्वय् गठित नेवाः देय् दबू प्रदेश नं २ या पदाधिकारी व दुजःपिन्त नायः नरेशकुमार ताम्रकारं सपथग्रहण याकादिइगु खः ।