Get Adobe Flash player

नेवा: विधायक हने ज्याझ्व:

 

 

 

नेवाः देय् दबूपाखें सिक्किम विधान सभाय् प्रतिनिधित्व यायेत ताःलाम्ह नेवाः विधायक भाजु श्याम प्रधान व सिक्किम सरकारया मुख्य सचेत व विधायक भाजु विक्रम प्रधान नापं भारतीय कँग्रेस पार्टी सिक्किम प्रान्तया उपाध्यक्ष भाजु रुद्रनरसिंह शाक्ययात वंगु शुक्रबा थिंलाथ्व चतुर्दशी कुन्हु ताम्रकार समाज यलय् जुगु छगु ज्याझ्वःया दथ्वी भिन्तुना नापं हनेगु ज्या जुगु खः । नायः नरेश ताम्रकारया नायःसुइ जुगु उगु ज्याझ्वलय् विशेष पाहाँकथं सिक्किम नेवाः गुथिया नायः भाजु रोहित कुमार प्रधान, नेवाः सभासद्पिं ध्यानगोविन्द रंजित, रामवीर मानन्धर, मदन अमात्य व सिद्धिलालसिंहजुं विशेष पाहाँकथं ब्वति कयादिइगु खःसा भाजु तीर्थराम डंगोल, ठाकुरलाल सिरपाःया दाता भाजु गिरिधरलाल मानन्धर, देय् दबूया पुलांम्ह महासचिव डा. केशवमान शाक्य, भाजु गणेशराम लाछि पाहाँकथं ब्वति कयादिइगु खः । सम्मानीत जुयादिइपिं विधायकपिंत नेवाः देय् दबूया सरक्षक भाजु मल्ल के.सुन्दर, सल्लाहकार डा.पुष्पराज राजकर्णिकार, नायः नरेश ताम्रकारं हनापौ लःल्हागु खः । अथेहे सकल पाहाँपिन्त देय् दबूया न्वकू नविनकिशोर शाक्य व दीपक शाक्य मतिनाया चिं देछागु खः ।

 

ज्याझ्वलय् थःगु मन्तव्य तयेगु झ्वलय् भाजु विक्रम प्रधानं सिक्किमया भुमिइ च्वनां नं थःपिं नेवाः धइगु गर्व तायेका नेपालभाषा, संस्कृति व संस्कारयात सदां म्वाकातयेत नेपाःया नेवाःतय्सं सदां हःपाः व तीव बियाच्वनीगु खँय् थःपिं विश्वस्त जुयागु खँ प्वंकादिल । नापं उकिया नितिं थःम्हं फूजु ग्वाहालि यायेत सदां तयार जूगु खँ धयादिल ।