Get Adobe Flash player

इलामया चमैताय् नेवाः देय् दबूया नेवाः छेँ

पूर्वया इलामय् नेवाः देय् दबूया थःगु हे ज्याकू भवन दयेकूगु दु । इलाय् जिल्लाया चमैता गामय् उगु नेवाः छेँ दयेकेगु खः । थ्व स्वयां न्ह्यः पश्चिमया रोल्या थेँ जाःगु दुर्गम जिल्लाय् नं देय् दबूपार्खे भिंद्यःया देगः नापं नेवाः छेँ दयेकेगु ज्या जूगु खः । इलामया मेमेगु गामय् नं जग्गा दान वयाच्वंगुलिं आः मेमे थाय् नं नेवाः छेँ दनेगु तयारी यानाच्वंगु दु । 

स्वनिगःपिनेया नेवाःतय्के वयाच्वंगु जातीय पहिचानया चेतना छगू दसू खः नेवाः देय् दबू चमैताया नेवाः छेँ । देय् या थीथी थासय् च्वंपिं नेवाःतय्त छप्पं याना नेवाः एकता क्वतुकेगु ज्याय् नेवाः देय् दबूपाखें फक्वः कुतः जुयाच्वंगु दु ।