Get Adobe Flash player

वल्ड नेवाः अर्गनाइजेशनया नायः डा.बालगोपाल श्रेष्ठयात हनेगु ज्याझ्व:

 

नेपाल सम्वत् ११३६ कौलागा पंचमी, ३० डिसेम्वर २०१५  सोमवाः कुन्हु वल्ड नेवाः अर्गनाइजेशनया नायः डा.बालगोपाल श्रेष्ठयात नेवाः तय् राष्ट्रिय संगठन नेवाः देय् दबूया ज्याकुथिइ लसकुस नापं सगं बिया हनेगु ज्या जूगु खः । 

नेवाः देय् दबूया नायः नरेश ताम्रकारया नायःसुइ जूगु यगु ज्याझ्वलय् संरक्षक मल्ल के सुन्दर, नेवाः न्ह्यलुवा तीर्थराम डंगोल नापनापं थीथी जातीय खलः पुचःया नायः प्रतिनिधिपिन्सं ब्वति कयादिइगु खः ।

ज्याझ्वलय् संरक्षक मल्ल के सुन्दरं हलिं न्यंकया नेवाःतय्त नेवाः भावना ब्वलंकेगु व अमि दथ्वी सहयोगया भावना व्लंकेगु ज्याय् वल्ड नेवाः अर्गनाइजेसनं मूवंगु भुमिका म्हिताच्वंगु बिचाः प्वंकादिल । अथेहे हनेबहम्ह तीर्थराम डंगोलं नेवाःतय्सं थःथःगु आस्था दुगु गुगुनं राजनैतिक दलनापं आवद्ध जुया नेवाःजनपिनिगु मुक्तिया निति राजनिति ख्यलय् कुहाँवयेमाःगु बिचाः तयादिइगु खः । डा. बालगोपालयात हंगु धैगु वय्कः व्यक्तियात हंगु मखू वल्ड नेवाः अर्गनाइजेशनं यानावयाच्वंगु च्वछाये बहःगु ज्यायात हंगु खः धासें थुज्वःगु भिंज्याय् सदां पला मदिक न्ह्यानाच्वनेमा धकाः भिंतुना देछानादिल । 

ज्याझ्वलय् नायः नरेश ताम्रकारं हलिंन्यंकया नेवाःतय् दथ्वी समन्वय् व सकार्य यायेत नेवाः देय् दबू सदां तत्पर दुगु धासें वय्कःयात नेवाः परम्पराकथं खँय् सगं बिसें मतिनाया चिं नं लःल्हानादिइगु खः । अथेहे आः याकनं जुइत्यंगु वल्ड नेवाः अर्गनाइजेसनया निक्वःगु सम्मेलनया सफलताया कामना यानादिइगु खः ।