Get Adobe Flash player

नेपाल सम्वत् नेवाः च्यूताः सहलह ज्याझ्वः क्वचाल ।

नेपाल सम्वत् ११३७ न्हूँदया लसताय् नेवाः देय् दबूया ग्वसालय् नेपाल सम्वत् यात कया थनया जगतसुन्दर ब्वनेकुथि लखुतिर्थय् छगू सहलह मुँज्या जुल । नायः नरेश ताम्रकारया नायःसुइ जूगु थुगु ज्याझ्वलय् नेपाल सम्वत् यात नेपाल सरकारं राष्ट्रिय सम्वत् घोषणा यायेधुंकाः नं थुकियात छ्यलाबुलाय् हयेगु खँय् क्यनांच्वंगु गैरजिम्मेवारीपूर्ण व्यवहारयात कया सहलह जूगु खः । ज्याझ्वलय् संस्कृतिविद् काशीनाथ टमोटं नेपाल सम्वत् व थुकिया विविध पक्षयात कया थःगु मून्वचू तयादिल । अथेहे ज्याझ्वलय् नेपाल पञ्चाङ निर्णयक समितिया दुजः दैवज्ञ किर्तिमदन जोशी, नेपालभाषा केन्द्रीय विभागया नायः डा.चन्द्रमान बज्राचार्यं थःथःगु अवधारणा तयादिइगु खः ।

ज्याझ्वलय् मूविषयसं तःजि सहलह यायेधुंका नेपाल सम्वत् यात नेपाल सरकारं न्हियान्हिथं छ्यलाबुलाय् हयेकेगु नितिं जनस्तरं निरन्तर दवाव वियाच्वनेमाःगु खँय् मंकाः बिचाः तयादिइगु खः । नापं थ्व विषययात कया मदिक सहलहयाना गय् याना नेपाल सम्वत् यात सरलिकृतयाना व्यवहारय् छ्यलेफइ धैगु खँय् थप च्यूताः प्वंकेमाःगु निर्षकय् ज्याझ्वः क्वचाल ।