Get Adobe Flash player

नेवाः धिमे बाजा प्रशिक्षण व सांस्कृतिक ज्याझ्वः क्वचाल

नेवाः देय् दबू जिरी नगर समितिया ग्वसालय् क्वचागु लच्छियाया परम्परागत धिमे बाज व प्याखँ प्रशिक्षणया समापन ज्याझ्वः वंगु स्वांयापुन्हि कुन्हु जुल । समितिया नायः बाबुराजा श्रेष्ठया नायःसुइ जूगु उगु ज्याझ्वलय् जिरी नगरपालिकाया प्रमुख टंकबहादुर जिरेलं मूपाहाँकथं ब्वति कयादिइगु खः । अथेहे विशिष्ट पाहाँकथं दोलखा जिल्ला समन्वय समितिया उपप्रमुख मनमाया जिरेल, जिरी नगरपालिकाया उपप्रमुख, नेवाः देय् दबूया दांभरि शान्त श्रेष्ठ ब्वतिकयाः भिंतुना न्वचू तयादिइगु खःसा थीथी वडाया नायः, जनजाति संस्था, समाजिक संघसंस्थाया नायःप्रतिनिधिपिन्सं ब्वति कयादिइगु खः ।

ज्याझ्वलय् मूपाहाँ टंकबहादुर जिरेलं आदिवासी नेवाःतय् भाषा,कला, संस्कृतिया उत्थानया नितिं थुज्वःगु ज्याझ्वलं तःधंगु तिबः जुइगु खँ तसें नगरया दक्वः आदिवासी जनजाति दथ्वी सहयोग व सहकार्यया वातावरण दयेकाः छगू जाति मेगु जातिया उत्थानया ज्याय् फक्वः ग्वाहालि यायेमाःगु खँय् बः बियादिल ।

अथेहे औपचारिक ज्याझ्वः न्ह्याके न्ह्यः नेवाः परम्परागत भेषभुषा, झाँकी सहित करिव ३०० म्ह नेवाः लगायत मेमेगु जनजाति समुदायपाखें बृहत र्‍यालिं जिरी नगर परिक्रममा नं याःगु खः । जिरी नगरपालिकाय् न्हापांगु खुसिइ थुकथंया ज्याझ्वः जूगु खँ ग्वसाः खलकं धाःगु दु । नापं निगुगू चरणय् नेवाः सांस्कृतिक ज्याझ्वः व नेवाः भ्वय् याःगु खः । थ्व हे झ्वलय् प्रशिक्षर्थीपिन्सं थःथःगु कैशल व धिमे प्याखँ, कुमारी प्याखँ, चर्या प्याखँ नं क्यंगु खः । अथेहे ज्याझ्वलय् ग्वसाः खलःपाखें ग्वाहालि याःगु जिरी नगरपालिका व प्रशिक्षक गुरु सुदनमान मुनिकारयात हंगु खः ।

 

बुद्ध जयन्तिया लसताय् नेवाः देय् दबू प्रदेश नं २ पाखें खिर वितरण ज्याझ्वः

नेवाः देय् दबू प्रदेश नं २ पाखें २५६३ क्वःगु बुद्ध जयन्तिया लसताय् विश्व शान्तिया कामना याना पर्साया विरगंजय् खिर वितरण ज्याझ्वः याःगु दु ।

 

नेवाः संकिपाः लमिया च्यारिटी शो

नेवाः देय् दबू सुर्खेत जिल्ला समितिया ग्वसालय् नेवाः संकपिा लमिया च्यारिटी सो जूगु दु । कर्णाली प्रदेशया सुर्खेतय् नेवाः भाषा, कला, संस्कृतिया संरक्षण व प्रवद्र्धन नापं भिंद्यः देगः देयेकेगु तातुना सिद्धार्थ सहकारी सभाहल, सनि हललाइनय् उगु संकिपा प्रदर्शन जूगु खः । नापं ज्याझ्वलय् नेवाः समय्बजि इनेगु ज्या नं जूगु खः ।