Get Adobe Flash player

नारायणदेवी–तीर्थ सिरपाः

सिरपाःया नां

नारायणदेवीतीर्थ सिरपाः

सिरपाःया स्वनागुया तातुना

मां नारायणदेवी मानन्धर व ब्वा तीर्थ नारायण मानन्धरया लुमन्तियात ताःईतक म्वाकाःतयेगु तातुनाः वय्कःया काय् म्हयाय्पिंसं थ्व सिरपाः नेवाः देय् दबूया बुसादं कुन्हु बीगु कथं नीस्वनागु जुल । थ्व सिरपाः दँय्दसं नेवाः समाजसेवाः व नेवाः व्यवसायी प्रोत्साहन याना निगु बिधाय् बिइगु खः ।

नारायणदेवी  व तीर्थनारायण मानन्धर म्हसीका

वि.सं. १९८० चिल्लाथ्व चतुर्दशी कुन्हु मरुत्वालय जन्म जुयादिम्ह भाजु तीर्थ नारायण मानन्धर छम्ह सफल व्यवसायी नापनापं नेपालभाषाया साहित्य व समाजसेवा ख्यलय् नं अतिकं हे मन क्वसाम्ह व्यक्तित्व खः । वय्कलं येँ देसय् हे दक्वसिबें न्हापां साइकल पसःतया न्हू व्यवसाय न्ह्याकादिइगु खः । थःगु व्यवसाय नापनापं समाजय् पुलांगु कुरीतियात न्हंका ई कथं न्हू ढंगं न्ह्या वनेमाः धैगु न्हू बिचाः ज्वनादिम्ह वय्कलं पितृसतात्मक समाजय् मिसापिन्त नं न्ह्यने यंकेमाः अमित नं मिजंतय्त थें समान शिक्षा दिक्षा व समान अवसर बियेमा धैगु सोचं दक्वसिवें न्हापां सहशिक्षालयया नामं शान्ति निःकुञ्ज स्कूल चायकेगुलिई ग्वाहालि यानादिल, अथेहे मिसापिं आखः ब्वनेगुलिइजक मखु, मेमेगु ख्यलय् खेलकूद जुयेमा, सांस्कृतिक ख्यलय् जुइमा आदि ख्यलय् न्ह्यने वनेमाः धैगु बिचाःतया तिबः बियादिइगु दु । अथेहे केन्द्रीय मानन्धर संघ, आनन्दकुटी विहार गुठि, नेपाःया छगू हे जक बौद्ध स्कूल आनन्दकुटी विद्यापीठ, ईनबहाःया अन्नपूर्ण स्कूल, स्वयम्भू भजन खलः आदि ईत्यादी नीस्वनेगु नापं धिसिलाक्क न्ह्याकाः यंकेगुलिइ यक्व हे ई बियाझाःम्ह खः । वयकः थम्हं यानागु ज्या, भोगेयानावंगु छुं छुं अनुभव वयकःया हे जिगु लुमन्तिइ येदेय् म्हिगः व थौंसफूतिइ च्वयादिगु दु ।

छम्ह मिजं मनूया जीवन सुथांलाकेत वया जहानया उलि हे तःधंगु ल्हाःदइ धैगु खँ सकसिनं स्यूगु खँ खः । थ्व हे झ्वलय् भाजु तीर्थ नारायण मानन्धर थःगु ब्यवसाय व समाजसेवाःया ज्याय् लिमलाक्क जुइबलय् वय्कःया जहान मय्जु नारायणदेवी मानन्धरं छेँय् च्वना छेँया दक्व ज्या लिसें छेंजःपिंं दक्वसितं माःथाय् माःगु ज्या थाकु मधासे ज्या कःघानाः थः आखः मसःसां  मस्तय्त आखः ब्वनेगुलिइ उतिकं हे हःपाः बियाझाःम्ह खः । भाजु तीर्थ नारायण मानन्धर थःगु व्यवसाय व थौं वय्कःया मस्त शिक्षित जुइगु व सुसंस्कारं सुसज्जित जुइगु ज्याय् मयजु नारायदेवी मानन्धरया तःधंगु योगदान दुगु जुल ।

सिरपाः स्वनामिपिं

१.    डा. लोचन देबी मानन्धर          म्ह्याय्

२.    प्रचण्ड मानन्धर                  काय्

३.    प्रकाश मानन्धर                 काय्

४.    डा. सुमित्रा मानन्धर गुरुङ्ग        म्ह्याय्

५.    डा. अनिता मानन्धर        म्ह्याय्

सिरपाः बिइगु क्षेत्र

१.नारायणदेवीतीर्थ (व्यवसायी प्रोत्साहन) सिरपाः

नेवाः परम्परागत उद्यमी व्यवसायी वा आधुनिक व्यवसायी ।

२. नारायणदेवीतीर्थ (नेवाः समाज सेवा) सिरपाः

नेवाः सामाजिक संस्कृति अधिकार तथा वातावरण, सम्पदा संरक्षण ।

सिरपाःया निम्ति नां दुतिनेगु प्रकृया

·         नारायणदेवीतीर्थ नेवाः समाजसेवा सिरपाःया नितिं गुगुनं संघ/संस्था/खलः/पुचः/गुथि/व्यक्ति आदि नेवाः सामाजिक संस्कृति अधिकार तथा वातावरण, सम्पदा संरक्षणनाप स्वापू दुगु ख्यलय् ज्या यानाच्वंगु खः धका नेवाः देय् दबूया दुजः/खलः/पुचः/संघ/संस्था/कचापाखें सिफारिस जुयावःगु जुइमा तर छगू जक संस्था दुगु जिल्ला जुसा नेपाल आदिवासी जनजाति महासंघया सम्बन्धित जिल्ला समन्वय् समिति वा मेमेगु सामाजिक संस्थापाखें सिफारिस याःगु जुइमा ।

·         नारायणदेवीतीर्थ व्यवसायी प्रोत्साहन सिरपाःया नितिं गुगुनं संघ/संस्था/खलः/पुचः/गुथि/व्यक्ति आदि सफल नेवाः परम्परागत उद्यमी व्यवसायी वा आधुनिक व्यवसायी खः धका नेवाः देय् दबूया दुजः/खलः/पुचः/संघ/संस्था/कचापाखें सिफारिस जुयावःगु जुइमा तर छगू जक संस्था दुगु जिल्ला जुसा नेपाल आदिवासी जनजाति महासंघया सम्बन्धित जिल्ला समन्वय् समिति वा मेमेगु सामाजिक संस्थापाखें सिफारिस याःगु जुइमा ।

·         सिरपाःया सिफारिसया नितिं नेवा देय् दबूपाखें बुदिंया सार्वजनिक आव्हान याइ ।

सिरपाः निर्णायक समिति

नायः             डा.सत्यमोहन जोशी, पुलाम्ह चान्सलर, नेपालभाषा एकेडेमि

सदस्य सचिव नरेश ताम्रकार, नायः, नेवाः देय दबू

दुजः       डा.पुष्पराज राजकर्णिकार, सल्लाहकार, नेवाः देय् दबू

दुजः डा. सुमित्रा मानन्धर, दाता व सल्लाहकार, नेवाः देय् दबू

दुजः       पद्मासना शाक्य, संस्थापक, माणषि संस्था

दुजः        शारदा बैद्य, समाजसेवी, पोखरा

दुजः        कुशकुमार जोशी, पूर्व अध्यक्ष, नेपाल उद्योग बाणिज्य महासं

दुजः    बालकृष्ण हलवाई, भाषासेवी, धरान

नारायणदेवी तिर्थ सिरपाः ११३२ दँय् प्राप्त याःगु संस्था व ब्यक्ति :

·         झीगु समाज, धरान, नेवाः समाज सेवाः विधाय्

झीगु समाज, धरान, वि.सं.२०१७ सालय् नेवाःतय्गु हकहित व नेवाः संस्कृतिया संरक्षण व सम्बद्र्धन याना वःगु पूर्वी नेपाःया न्हापांगु संस्था खः । थ्व संस्थाया परिवारय् सदस्यया मृतावस्थाय् आर्थिक नापं माःकथं ग्वाहालि यायेगु, नेवाः संस्कृतिक प्रदर्शनी, नेवाः भाषाया संरक्षण यायेगु, नेवाः लगायत अन्य आदिवासी जनजाति समुदायया हक अधिकार स्थापित यायेगु ज्याय् च्वछाये बहःगु ज्या याना वयाच्वंगु झीगु समाज, धरानयात नारायणदेवीतीर्थ नेवाः समाज सेवा सिरपाः लःल्हागु जुल ।

·         मय्जु अम्बिका श्रेष्ठ व्यवसायी प्रोत्साहन विधाय्

नेपाःया कला, वास्तुकला व संस्कृतिया अद्वितीय दसू  न्ह्यब्वयाः दयेकातःगु होटल द्वारिकासफलतापूर्वक संचालन यानावया च्वंम्ह मय्जु अम्बिका श्रेष्ठयात च्वछाये बहःगु सेवाः व योगदानयात कदरयाना नारायणदेवीतीर्थ व्यवसायी प्रोत्साहन सिरपाः लःल्हागु जुल ।

नारायणदेवी तिर्थ सिरपाः ११३४ दँय् प्राप्त याःगु संस्था व ब्यक्ति :

·         नेवाः खलः कास्की, पोखरा कास्की

·         दँय् दसं ने.सं.या न्हूदँया ज्याझ्वः, मोटरसाइकल ¥याली, धिमेबाजा, भेषभुषा झाँकी सहित नगर परिक्रमा

·         नमुना नेवाः छेँ निर्माण

·         नेपालय् पोखराय हे जक दुगु मौलिक तायाः मचा परम्परया प्रवद्र्धन, संरक्षण व प्रतियोगिता

·         दँय् दसं न्हू पुस्तायात नेवाः भाषा, कला संस्कृति, भेषभुषा, संस्कार व परम्पराया ज्ञान व थुकिया संरक्षणया शिक्षा वियेगु तातुना मिस नेवाः पोखरा प्रतियोगिता

·         दँय् दसं लाखे जात्रा, माघे जात्रा, फागु प्याखँ पिकायेगु व थुकिया संरक्षण व प्रवद्र्धन

·         नेपालभाषाया सफू पिथनेगु दँय् दसं व नेपाल संवतया क्यालेण्डर पिकायेगु

·         पोखराया भिंतुना मासिक पत्रिका पिथनेत प्रत्यक्ष अप्रत्यक्ष ग्वाहालि

·         कास्की थीथी नगर व गांगामय् नेवाःतय्त संगठित याना संगठन विस्तार

·         इलय् ब्यलय् सामूहिक ई व व्रतबन्ध ज्याझ्वः यायेगु

·         नेवाः भाषा लिपि व बाजं प्रशिक्षण ज्याझ्वः यायेगु

·         चन्द्र माया(सुर्ज) बज्राचार्य

·         तःखँ न्ह्यनिसें ल्वहँया मुर्तिकला ज्याय् संलग्न मिसा ब्वक्तित्व

·         जर्मनया बर्मेनय् ५ फिटया स्तूपा दयेका दिइगु

·         होटल हायातय् ४.५ फिटया ल्हवंया स्तुपा दयेका दिइगु

·         येंया नागपोखरीइ काली, सरस्वती, भगवती, गणेशया मुर्ति दयेका दिइगु

·         जर्मनीइ ४ फीटया सिंहया मुर्ति

·         देश विदेशय् एकल व सामूहिक हस्तकला प्रदर्शनी

·         प्रवल गोरखा दक्षिण बाहु प्राप्त २०५५

·         राष्ट्रिय हस्तकला प्रदर्शनी २०४७, २०४८ दोस्रो पुरस्कार

·         क्राफ्टमेन फाउन्डेशन यु एस ए पाखें सम्मानीत

·         रोटरी क्लव पाटन, अशोक स्मृति कोष अक्षश्वर महाविहार यल पाखें सम्मानीत