नेवाः देय् दबू येँ जिल्ला समितिया प्यक्वःगु तःमुँज्या तःजिक क्वचाल । बुढानीलकण्ठया हिमालय स्कूलय् केन्द्रीय नायः पवित्र बज्राचार्यया मूपाहाँसुइ जूगु उगु ज्याझ्वलय् विशेष पाहाँकथं, संरक्षक मल्ल के.सुन्दर, संरक्षक नरेशकुमार ताम्रकार, येँ महानगरपालिकाया उपमेयर सुनिता डंगोलबुढानीलकण्ठ नगरपालिकाया मेयर मिठाराम अधिकारी लगायत केन्द्रीय न्वकू रश्मिला प्रजापति, मूछ्याञ्जे सत्यनारायण डंगोल लगायत देय् दबूया थीथी समितिया पदाधिकारीपिन्सं पाहाँ कथं ब्वति कयादीगु खः ।
नेवाः देय् दबू येँ जिल्ला समितिया प्यक्वःगु तःमुँज्यां धनबहादुर महर्जनया हे नायःसुइ दुगु ज्यासना पुचःयात मेगु ज्याईया निंतिं हाकनं भाला ब्यूगु दु । न्हूगु ज्यासना पुचलय् वरिष्ठ न्वकु श्रीजनमान श्रेष्ठ, न्वकुपिं रामभोला महर्जन व रविना श्रेष्ठ, छ्याञ्जेय् धनवीर महर्जन व सुनिता महर्जन, दांभरि धर्मराज शाक्य ल्यःगु दु ।
थुकथं हे दुजलय् राकेश खड्गी, सुनिल महर्जन, सुरेश शिलाकार, निर्मला सिंह, शर्मिला जोशी, कमला महर्जन, लक्ष्मी प्रसाद शाक्य, धर्मेन्द्र महर्जन, शम्भु मल्ल, मायादेवी महर्जन, विकास श्रेष्ठ, सूर्यमान डंगोल, राजकाजी श्रेष्ठ, कल्पना श्रेष्ठ, विनु श्रेष्ठ, शोभा लक्ष्मी ताम्रकार, खलःपुचःपाखें तेजनारायण महर्जन, जातीय समाजपाखें दिल कुमारी महर्जन ल्यःगु दु ।