नेवाः देय् दबुया विषयगत समिति नेवाः कलाकःमि दबूया ग्वसालय् मदुम्ह जनगायक भृगुराम श्रेष्ठया लुमन्तिइ वंगु नेसं. ११४५ चिल्लागा सप्तमी, २०८१ चैत्र ८ गते येँया तेबहालय् छगू तःजिगु सांगीतक ज्याझ्वः जुल । ज्याझ्वलय् जनगायकया लुमन्तिइ वय्कलं हालातःगु म्ये थीथी कलाकारपिन्सं न्ह्यब्वयादीगु खः । समितिया नायः शेषनारायण महर्जनया नायःसुइ जूगु उगु ज्याझ्वलय् देय् दबूया केन्द्रीय नायः पवित्र बज्राचार्य, केन्द्रीय दुजः रमना श्रेष्ठ, बाद्य सम्राट न्हुछे बहादुर महर्जन लगायत आपालं अग्रज कलाकारपिन्सं पाहाँकथं ब्वति कयादीगु खः ।
