इनाप
आदिवासी नेवाः समुदायनं न्ह्याकावःगु थीथी सामाजिक, साँस्कृतिक, भाषिक व भूमीसम्बन्धी आन्देलनया सर्वाेच्च अभिव्यक्तिकथं थाैंसिबें झिंस्वदँ न्ह्यो ने.सं. ११३० पोहेलाथ्व नव:मि कुन्हु यैँया दशरथ रंगशालाय् लखँ लख नेवाःत मुना: राजनीतिक अधिकारया नितिं नेवाः स्वायत राज्य मागया घोषणा याःगु खः । थ्व हे न्हियात लुमंकाः नेवाः भाषा, कला, लिपि, संस्कृति, जात्रापर्व व संस्कारया संरक्षण सम्बर्दधनया निति एकता अपरिहार्य जूगु सन्देश बिइ्त, नेवाः दुने छुंनं जाति तःधंचीधं मदु सकल नेवाःत समान खः धैगु सन्देश विइत लिसें नेवाः दुने विविधता दु, विविधताया दथ्वी एकता दु. थ्व हे एकता नेवाःतय्गु शक्ति खः धैगु खँ ध्वाथुइकेत दँय् दसं नेवाः एकता दिवस हनावयाच्वंगु स्यूगु है जुल ।
थुगुसिइ नेवाः देय् दबूया संयोजनय् थीथी खलःपुचःया मंका, ग्वसालय् झिंस्वक्तःगु नेवा: एकता दिवस स्वनिगःया ऐतिहासिक व साँस्कृतिक वस्ती बलम्बु थ्व हे ने.सं.११४३ पोहेलाथ्व नव:मि (२०७९ पौष १६ गते) शनिवाः न्हिनसिया १२:३० बजे हनेत्यनागु खेँ कसें ब्वति कयादिइत इ्नाप यानाच्वना ।
थ्व हे झ्वलय् थुगु न्हि कुन्हु नेवाः भाषा, संस्कृति व सम्पदा संरक्षणय् ज्या सनाच्वंगु थीथी खलःपुचःपाखें थःथःगु लागाय् सभा, रयाली व दिपावली याना: झिंस्वक्व:गु नेवा: एकता दिवस हनादिइत इनाप यानाच्वना । सुभाय्
पवित्र वज्राचार्य
नायः
नेवाः देय् दबू केन्द्रीय समिति