सुदूरपश्चिम प्रदेश स्तरीय अभिमुखिकरण तालिम

नेवाः देय् दबू कैलाली जिल्ला समितिको आयोजनामा नेवाः देय् दबू केन्द्रीय उपाध्यक्ष रश्मिला प्रजापतिज्यूको प्रमुख आतिथ्यता तथा नेवाः देय् दबू केन्द्रीय उपाध्यक्ष तथा सुदुरपश्चिम प्रदेश इन्चार्ज बिकास श्रेष्ठज्यूको बिशिस्ट आतिथ्यमा धनगढी उपमहानगरपालिका स्थित रामजानकी मन्दिरको सभाहलमा नेवाः देय् दबू संस्था संचालन सम्बन्धि एक दिने प्रदेश स्तरीय अभिमुखिकरण तालिम सम्पन्न भयो । उक्त तालिममा नेवाः देय् दबू सुदूर पश्चिम प्रदेश समितिका पदाधिकारीहरू लगायत नेवाः देय् दबू कैलाली, कञ्चनपुर, डोटी, बझाङ, बैतडी, डडेलधुरा जिल्ला समितिमा पदाधिकारीहरू, विभिन्न नगर समिति, आवद्ध खलःपुचः, गुथिका पदाधिकारीहरू तथा नेवाः मिसा दबूमा प्रदेश, जिल्ला र नगर समितिका पदाधिकारीहरूको समेत सहभागिता रहेको थियो । उक्त कार्यक्रममा केन्द्रीय उपाध्यक्ष रश्मिला प्रजापतिले संस्था संचालन सम्बन्धी विविध विषयमा तालिम दिनुभएको थियो ।

साथै सोही अवसरमा नेवाः देय् दबूको साधारण सदस्यता वितरण अभियानलाई निरन्तरता दिँदै सुदूरपश्चिम प्रदेशका विभिन्न जिल्लाका नेवाःहरुलाई नेवाः देय् दबूको साधारण सदस्यता समेत प्रदान गरिएको थियो ।