नेवाः देय् दबू नागार्जुन नगर समितिं नागार्जुन नगरया लेटरहेड नेपालभाषां तयेगु, सार्वजनिक सुचंय् नेपाल संवत् छ्यलेगु, नेपालभाषा प्रशिक्षण ज्याझ्वः न्ह्याकेगु, नेवाः समुदायया प्रतिनिधित्व याइगु चिं तयार यायेगु नितिं कार्यवाहक मेयर सुशीला अधिकारीया ध्यानाकर्षण याकूगु दु । उगु ध्यानाकर्षण पौ जिल्ला समितिया प्रतिनिधि, नेवाः देय् दबू नागार्जुन नगर समितिया नायः अजित पुतुवारलिसें मेमेपिं पदाधिकारी, दुजः, सल्लाहकार, शुभचिन्तकपिन्सं लःल्हाःगु खः ।