नेवाः देय् दबू चैनपुर नगर समितिया ग्वसालय् संखुवासभा जिल्लाया चैनपुरय् धिमेबाजा व नेवाः प्याखँया प्रशिक्षण ज्याझ्वः न्ह्याःगु दु । वंगु मंगलवाः कुन्हु छगू ज्याझ्वःयासें प्रशिक्षण ज्याझ्वःया सुभारम्भ जूगु खः । नेवाः ल्याय्म्ह दबूया नायः सुदन मुनिकारं न्ह्याकीगु प्रशिक्षण ज्याझ्वः २५ न्हुतक न्ह्याइगु खँ नेवाः देय् दबू संखुवासभा जिल्ला समितिया नायः सीता शाक्य जानकारी बियादीगु दु ।