नेपालभाषा सरकारी ज्याखँया भाषा कथं विधयेक पारित या:गुलिं बागमति प्रदेश सभायात सुभाय् देछा ज्याझ्व: यायेत देय् दबूया संयोजनय् नेपा: ब्यांकेटय् नेवा: खल: पुच: नाप सहलह मुँज्या जुल । ज्याझ्वलय् भाषिक समानताया अधिकारया नितिं थीथी अभियान, संघर्ष, आन्दोलन यानावयाच्वंगु संघसंस्थाया उपस्थिति दुगु जुल । उगु भेलां वइगु असोज २९ गते नेपाः व्यांक्वेटय् विधेयक पारित यायेगु ज्याय् ग्वाहालि यानादीपिं सहित मुख्य मन्त्रीयात सुभाय् देछायेगु खँ क्वछ्यूगु दु । नापं ज्या सुथांलक क्वचायेकेत भेलां नेवाः देय् दबूया थीथी खलःपुचः संघसंस्थाया १३ म्ह प्रतिनिधि दुथ्याःगु छगू सचिवालय समिति नं नीस्वंगु खः ।