
नेवाः देय् दबू कोशी प्रदेश समितिया निक्वःगु तःमुँज्या तःजिक क्वचाःगु दु । वंगु नेसं. ११४५ पोहेलागा आमाइ व सिल्लाथ्व पारू(२०८१ माघ १६ व १७) गते निन्हुयंकं सुनसरीया इटहरी ज्याझ्वः जूगु खः । नेवाः देय् दबू कोशी प्रदेश समितिया नायःभाजु इन्द्रबहादुर श्रेष्ठया नायःसुइ जूगु उगु ज्याझ्वलय् कोशि प्रदेश सरकारया आन्तरिक मामिला व कानुन मन्त्री मा. रेवती रमण भण्डारी मूपाहाँ कथं ब्वति कयादीगु खः । अथेहे ज्याझ्वलय् विशेष पाहाँकथं कोशी प्रदेश सभाया दुजःपिं मा. यशोदा कायस्थ, मा.मीना श्रेष्ठ, मा. मैया श्रेष्ठं ब्वति कयादीगु खः । अथेहे केन्द्रीय समितिया नायः पवित्र बज्राचार्य, संरक्षक नरेशकुमार ताम्रकार, लगायत केन्द्रीय समितिया न्वकू अनिल मास्के, न्वकू रश्मिला प्रजापति, मूछ्याञ्जे सत्यनारायण डंगोलं पाहाँकथं ब्वति कयादीगु खः । ज्याझ्वःया उद्घाटन सत्रय् कोशी प्रदेशया १४ गू जिल्ला समितिपाखें जिल्ला नायः लगायत अधिवेशन प्रतिनिधिपिन्सं माैलिक भेषभुषा लगायत लाखे व झाँकी प्रदर्शनी यासें नगर परिक्रमा याःगु खः ।
नापं थुगु निक्वःगु अधिवेशनपाखें भाजु सिताराम श्रेष्ठया नेतृत्वय् न्हू कार्यसमिति नं ल्यःगु दु । श्रेष्ठया अध्यक्षताय् २१ सदस्यीय प्रदेश कार्यसमिति गठन जूगु खः । समिति वरिष्ठ उपाध्यक्ष वसन्त कुमार श्रेष्ठ, उपाध्यक्षद्वय ओमप्रकाश श्रेष्ठ, चन्द्रा हलवाई, प्रमुख सचिव शर्मिला श्रेष्ठ, सचिव अम्बर बहादुर श्रेष्ठ, कमला राजभण्डारी, कोषाध्यक्ष खड्ग नारायण श्रेष्ठ, सदस्यय् अर्जुन श्रेष्ठ सुनिल, श्याम कुमार श्रेष्ठ, अमृत श्रेष्ठ, कालिदास श्रेष्ठ, गोपाल श्रेष्ठ, नविन किशोर टमोट, भरतकुमार श्रेष्ठ, रविनकुमार श्रेष्ठ, राजेशमान श्रेष्ठ, रामकुमार प्रधान, शिला श्रेष्ठ, शिवराज श्रेष्ठ, शङ्कर कुमार श्रेष्ठ ल्यःगु दु ।