नेवाः देय् दबूया ग्वसालय्, महिला सशक्तिकरण नेपाल व पवन्का फण्डया ग्वाहाली लच्छिया अनलाइन नेपालभाषा प्रशिक्षण ज्याझ्वः न्ह्यात । ने.सं. ११४४ सिल्लागा अष्टमी, २०८० फाल्गुण २० गते आइतवारनिसें लच्छितक बहनी ८ निसें ९ बजेतक जुइगु उगु ज्याझ्वःया उलेज्या केन्द्रीय नायः पवित्र बज्राचार्यजुं यानादीगु खः । नेवाः देय् दबूया १ नं.प्रदेशया पदाधिकारीपिं, थीथी जिल्लाया नायः व पदाधिकारीपिं, केन्द्रीय न्वकू व केन्द्रीय दुजःपिं यानाः मुक्कं पीम्हसिनं ब्वति कयाःदीगु खः । थ्व ज्याझ्वःया प्रशिक्षककथं डा.बज्रामुनी बज्राचार्यजुं प्रशिक्षण न्ह्याकादीगु खः ।