नेवाः देय् दबू येँ जिल्ला समितिया दँमुँज्या

नेवाः देय् दबू येँ जिल्ला समितिया दँमुँज्या

नेवाः देय् दबू येँ जिल्ला समितिया नायःभाजु धनबहादुर तिमिलाया सभानायःसुइ ने.सं. ११४३ चाैलाथ्व चाैथी कुन्हु जगतसुन्दर ब्वनेकुथि चागः येँ समितिया दँमुँज्या तःजिक क्वचाल । केन्द्रीय नायः भाजु पवित्र बज्राचार्यया मूपाहाँसुइ जूगु उगु ज्याझ्वलय् देय् दबूया केन्द्रीय न्वकू भाजु उमेश स्थापित, छ्याञ्जे भाजु मचाराजा महर्जन, स्वनिगः विशेष समितिया नायः भाजु श्रीकृष्ण महजर्न अथेहे लोककवि राजभाइ जकःमिं पाहाँकथं ब्वति कयादिइगु खः ।
ज्याझ्वलय् समितिया छ्याञ्जे भाजु धनवीर महर्जनं सांगठनिक प्रतिवेदन न्ह्यब्वयादिइगु खःसा दांभरि भाजु धर्मराज शाक्यं आर्थिक प्रतिवेदन न्ह्यब्वयादिइगु खः । अथेहे ज्याझ्वलय् लाोककवि राजभाइ जकःमि, बालकृष्ण श्रेष्ठ व मन्दिरा श्रेष्ठं थःथःगु चिनाखँ व म्ये न्ह्यब्वयादिइगु खःसा नेवाः ख्यालः टेलिसिरियल खाेताबजी टोलीयात नं सम्मान याःगु खः ।