वंगु नेसं. ११४६ बछलाथ्व पुन्हि, मिति २०८३ बैशाख १८ गते शुकबार कुन्हु प्रतिनिधिसभा २०८२ पाखें निर्वाचित जुायदीपिं नेवाफ सांसदपिन्त भिंतुना देछा नापं हनाज्याझ्वः क्वचाःगु दु । नेवाः देय् दबूया नायः रश्मिला प्रजापतिया नायःसुइ, संरक्षक मल्ल के.सुन्दरय मूपाहाँसुइ क्रिस्टल पार्टी भेन्यू, विजुली बजार येँ जूगु उगु ज्याझ्वलय् नेवाः सांसदपिन्त नेवाः परम्पराकथं भिंतुना नापनापं कार्यकालया सफलताया कामना यासें खँय् सगं बीगु ज्या जुल । ज्याझ्वलय् मूपाहाँ मल्ल के.सुन्दरजुं विजयी सभासदपिन्त भिंतुना देछासें संसदय् फरक फरक पार्टीया प्रतिनिधित्व यानाः झाःसां नेवाःतय्गु मुद्दाय् सकसिन नेवाः धैगु भावना तयाः सकलें छधी जुयाः संसदय् छप्वाः हे म्हुतुं सः तयेत इनाप यानादिल । अथेहे न्हूगु सरकारं थःपिन्सं यायेगु प्रतिवद्धता प्वंकूगु धाः १०० गू ज्याया धलखय् दुथ्याःगु स्थानीय तहय् मातृभाषा शिक्षा लागू यायेगु जुइ धाःगु बुँदा अक्षरस व्यवहारय् पालना यायेत इनाप यानादिल ।