नेवाः देय् दबूया च्याक्वःगु तःमुँज्या सुथांलक क्वचायेकेगु नितिं थःथःगु जिम्मेवरी पूवंकादीपिं स्वयमसेवकपिन्त नेवाः देय् दबू केन्द्रीय समितिपाखें सुभाय् देछा ज्याझ्वः याःगु दु । नेसं. ११४६ चाैलागा दशमी, २०८२ चैत्र २९ गते आइतबाः ओलम्पस क्लब, ओमबहालय् छगू ज्याझ्वः यासें सुभाय् देछाःगु खः । नायः रश्मिला प्रजापतिया नायःसुइ जूगु उगु ज्याझ्वलय् संरक्षक नरेशकुमार ताम्रकार व संरक्षक पवित्र बज्राचार्य पाहाँकथं ब्वति कयादीगु खः । थीथी उपसमिति च्वना ज्या यानादीपिं मुक्कं ८० स्वयमसेवकपिन्त लगायत नेवाः छेँ धस्वाकेगु अभियानय् मूवंगु योगदान यानादीगु चःमति जग्गा एकिकरण आयोजनायात नं सुभाय् देछाःगु खः ।