नेवाः देय् दबू जिल्ला समिति बाँकेया निक्वःगु जिल्ला अधिवेशन व स्वक्वःगु दँमुँज्या
नेवाः देय् दबू बाँकेया वंगु मिति २०७९ चैत्र १८ गते क्वचाःगु निक्वःगु अधिवेशनं भाजु बद्री प्रसाद श्रेष्ठया नायःसुइ २९ म्हसिया निर्विरोध न्हू ज्यासना पुचः नीस्वंगु दु । अथेहे न्हू ज्यासना पुचलय् वरिष्ठ न्वकू पदम श्रेष्ठ, न्वकू भीमलाल श्रेष्ठ, महिला न्वकू साधना श्रेष्ठ, छ्याञ्जे विकल श्रेष्ठ, महिला सचिव पुनम श्रेष्ठ व दांभरि राजेश मास्केयात ल्यःगु दु ।
निर्वतमान नायः भाजु कृष्ण प्रसाल श्रेष्ठया नायःसुइ नेपालगञ्जया होटल ईन्द्रेणीइ जूगु उगु अधिवेशनय् केन्द्रीय वरिष्ठ भाजु न्वकू चन्द्रलाल राजभण्डारीं मूपाहाँ कथं ब्वति कयादीगु खःसा केन्द्रीय न्वकू भाजु नरेश कुमार राजभण्डारीं विशेष पाहाँ, नेवाः देय् दबू लुम्बिनी प्रदेश समितिया नायः मय्जु विजुला जोशीं पाहाँकथं ब्वति कयादीगु खः । अथेहे ज्याझ्वलय् बाँके जिल्लाया थीथी खलःपुचः गुथिया नायः व प्रतिनिधिपिन्सं ब्वति कयादीगु खः ।
थ्व हे अवसरय् नेवाः पुचः बाँकेया संस्थापक नायः भाजु बद्री प्रसाद श्रेष्ठ, भाजु पूर्णलाल चुंकें नेवाःभाषा, कला, संस्कृतिया संरक्षण व सम्वद्र्धन यायेगु हे नेवाः देय् दबूया मूल लक्ष्य खः । उकियात पूवंगु नितिं सकल नेवाःत छप्पं जुइमाःगु खँ बः बियादीगु दु ।